खास खबर

कञ्चनपुरको बेलौरी र लालझाडीमा पनि समुदाय प्रहरी साझेदारी कार्यक्रम लागु ।।

केशब भट्ट, कञ्चनपुर ।
नेपाल प्रहरीले आइतबार देशैभरका सबै जिल्लामा एकैसाथ सुरु गरेको समुदाय प्रहरी साझेदारी कार्यक्रम कञ्चनपुरको दक्षिणी क्षेत्रमा समेत लागु गरिएको छ । इलाका प्रहरी कार्यालय बेलौरीले सोमबार बेलौरी नगरपालिका र लालझाडी गाउँपालिकामा उक्त कार्यक्रम सम्बन्धी सम्झौता भएको इलाका प्रहरी कार्यालय बेलौरीका प्रहरी निरीक्षक चुडामणि पुनले बताउनु भयो । 

 

सम्झौता पत्रमा बेलौरी नगरपालिकाका तर्फबाट नगर प्रमुख पोतिलाल चौधरी, लालझाडी गाउँपालिकाका तर्फबाट गाउँपालिका अध्यक्ष मदन सेन बडायक र ईलाका प्रहरी कार्यालय बेलौरीका तर्फबाट प्रहरी निरीक्षक चुडामणि पुनले हस्ताक्षर गर्नुभएको छ । प्रहरीले गर्ने कार्यहरु लागु औषध नियन्त्रण, जुवातास नियन्त्रण तथा समाजमा हुने गरेका नकारात्मक कार्यहरुलाई नियन्त्रण गर्न प्रहरी संगै स्थानीय तहको साथ र सहयोगले अगाडी बढ्ने गरी स्थानीय तह र प्रहरी बीच सम्झौता गरिएको बेलौरी नगरपालिकाका नगर प्रमुख पोतिलाल चौधरीले बताउनु भएको छ । 

​​​​​​​

प्रहरीलाई आफ्ना काम, कर्तव्यहरु पूरा गर्नमा सहयोग पुग्ने गरी गृह मन्त्रालयले देशैभरका सबै जिल्लामा एकैसाथ समुदाय प्रहरी साझेदारी कार्यक्रम सुरु गरेको हो । यसअघि नेपाल प्रहरीले प्रहरी मेरो साथी, मुस्कान सहितको प्रहरी सेवा लगायतका लोकप्रीय कार्यक्रम लागु गरी नागरीक र प्रहरी बीचको सम्बन्ध नजिक तुल्याउने कार्य गरेको थियो । 

<